Nus envidain tuttas e tuts che han gust da chantar a noss emprim di da chant rumantsch. I n’emporta betg, sche ti chantas bain u gugent – ve era ti e piglia cun tai anc l’in u l’auter ami. Nus chantain tant “evergreens” rumantschs sco era l’in u l’auter toc main enconuschent. La fin dal di datti in pitschen concert public. 

Il manader da noss emprim di da chant è l’enconuschent cumponist e dirigent Flavio Bundi. Il di da chant ha lieu tar RTR (Via da Masans 2) e dura da las 09.00 enfin ca. las 17.30 uras. Per cuvrir ina part da las custs dumandain nus CHF 30 per persuna. Quels includan ina spaghettada e proviant durant las pausas. Senza gentar communabel CHF 20.

Grazia per vossa annunzia enfin ils 29 d’october