Atelier rumantsch

Ina promoziun linguistica tut speziala metta il Museum d'art dal Grischun a disposiziun cun la purschida da l'intermediaziun d'art en rumantsch. Per ils uffants da 6 fin 12 onns èn las experientschas ed ils discurs davart las ovras e las exposiziuns ch'els han guardà in enritgiment en lur lingua materna. Suenter avair visità l'exposiziun porscha la lavur en l'atelier er la pussaivladad da transfurmar las scuvertas e las experientschas en moda creativa. 

Ils proxims Ateliers rumantschs han lieu las suandantas datas:

Animals, maisas e siemis
Guarda qua, in utschè chanta ed ils pes da la maisa èn tuttenina roms. Tar Diego Giacometti s'uneschan la natira, ils animals e las mobiglias a raquintaziuns plain fantasia.
Mesemna, ils 24 da settember, da las 14 fin las 16

Muntognas d'undas e schuschuri da la mar
Sche las muntognas sautan sco undas e la mar schuschura en il chau, lura mussa Leiko Ikemura, co che art po transfurmar nossa percepziun dal spazi e noss sentiments
Mesemna, ils 19 da november 2025, da las 14 fin las 16
 

Pertge e per co?
Questa dumonda empruvain nus da respunder en l’exposiziun annuala.
Mesemna, ils 21 da schaner 2026, da las 14 fin las 16

Custs: 10.- francs

Infurmaziun ed annunzia: kunstvermittlung@bkm.gr.ch, 081 257 28 72